Lux Rollers- oder Basket e bëssen anescht.
Haut huele mir iech matt bei e Sportsclub wou dir wahrscheinlech net wäert mattspillen, obwuel et sech em eng Super-Baskettséquipe handelt, nämlech d’Lux Rollers.
Wann dir eis Fotoe kuckt, da verstitt dir direkt, si spillen nämlech Basket am Rollstull.
Ugefaangen huet alles 1987, wéi e puer Leit sech zesumme gedoen hunn fir Sport ze maachen, och wa si no engem Akzident am Rollstull souzen.
Si sinn sech op Thionville respektiv op Tréier bei ähnlech Equipen ëmkucken an informéiere gaangen matt der Iddi fir eppes zu Lëtzebuerg op d’Been ze kréien. Ënnerstëtzt gouwen si dobäi vun der “Amicale sportive des Handicapés physiques” an e puer Joer drop hate si hir Equipe um rullen, d’Lux Rollers. Am Ufank hu si zu Märel an der Schoul an engem Sall vun sechs op aacht Meter trainéiert, wéi se dat fäerdeg bruecht mengen ech wëssen si haut wuel selwer net méi, mä iergendwéi ass et gaangen.
Haut trainéieren si wéi all Basketclub an enger Sportshal, an zwar zwee Mol an der Woch. Am Summer fueren verschiddener vu hinnen och nach Handbike, dat sinn déi Veloen wou een d’Pedalen matt den Hänn dréckt am Plaz matt de Féiss.
Och soss gëtt t kaum Ënnerscheder vis-à-vis vun deem Basket, deen dir spillt. Den Terrain ass grad esou grouss, de Kierfchen hänkt op der selwechter Héicht, obwuel si keng Leit vun iwwer zwee Meter hunn, a jo och net sprange kënnen. Dofir kënne si awer, dat kënne mir ech verroden, absolut super aus alle Méigleche Positioune schéissen! Och si mussen dribbelen, iwwerdeems si matt der fräier Hand hire Rollstull weiderrullen, och bei hinnen huet een nëmme 24 Sekonne fir eng Attaque ze reuséieren an 3 Sekonne fir e Kuerf ze schéissen. Dat eenzecht wat bei hinen e bëssen anescht ass, ass d’Interprétatioun vum « Marché », aus zwee Schrëtt lafen, gëtt bei hinne zwee Mol d’Rad vum Rollstull upaken. Dat misst een da bal « Roulé » nennen ?  Fir d’Fangeren ze schounen déi natiirlech beim Match a beim Training immense Belaaschtungen ausgesat sinn, banne si sech d’Fangeren matt extraem Sportstape of, well matt Händschen huet ee kee richteg Gefill fir de Ball.
Hir Sportsrollstill, ech kann iech soen dat ass de Modell GTI-turbo, an huet net vill ze dinn matt deem klassesche Rollstull, deen dir kennt. D’Rieder dovun hunn eng extra Neigung, a je nodeem vu wou un de Spiller gelähmt ass – z.B. vun der Hëft un oder vun der Mëtt vum Réck un – sinn d’Rieder méi oder manner wäit ausgestallt. Dësweideren hu si nach dräi bis véier kleng Riedercher fir ze verhënneren, datt de Stull zevill séier emkippt. Well natirlech gëtt och hei Mann op Mann gespillt a dobäi gëtt weder Energie gespuert nach Material geschount, esou datt d’Rollstill och munnech Schréipsen a Verschlass opweisen. 
Mä net all Spiller muss während dem Match onbedéngt am Rollstull sëtzen, och wann dat zur Zäit bei de Lux Rollers esou ass. Theoretesch kënnen och sougenannte “Foussgänger” matt spillen. Je no Behënnerung – oder eben net Behënnerung- kritt een e Coeffizient zougedeelt. Fir e Foussgänger ass deen 4,5, fir e Rollstullfuerer je no der Héicht vun der Lähmung zum Beispill nëmmen 3 oder nach manner. D’Regel seet just dass zur selwechter Zäit all d’Leit déi um Terrain spillen net méi wéi en Total vun de Coeffizienter vu 14 däerfen opweisen.
D’Equipe vun de Lux Rollers besteet zur Zäit aus 12 Leit, verschiddener vun hinnen sinn vu Ufank un dobäi. Well et zu Lëtzebuerg nëmmen eng Equipe gëtt a si jo net gutt géint sech selwer kënnen d’Championnat spillen triede si am däitsche Championnat un, zur Zäit an der Regionalliga. Am Joer 2001-2002 gouwen si an der Regionalliga Mitte eosu Champion a sinn an déi zweet Bundesliga opgestiegen, wou si et awer nëmmen ee Joer gepackt hunn. An der Tëschenzäit soen si awer selwer datt si op deem Niveau net méi kënne matthalen, schon eleng wat dat finanziellt an d’Deplacementer ugeet. An der Bundesliga gëtt emmer méi performant Material gebraucht, e spezielle Rollstull fir kënne ze spillen kascht nämlech schon en moyenne 4000 Euro, vun Top-Material guer net ze schwätzen, a wann een dat aus sénger eegener Täsch muss bezuelen ouni iergendee Subside, da kann engem schon d’Loft ausgoen. Aus dësem Grond konnten d’Lux Rollers och nach ni un de Paralympics,  den Olympesche Spiller fir Behënnerter deelhuelen, well do déi aner Equipen matt extrem deierem Material opkräizen. E bëssen traureg datt och do alles just nach eng Saach vum grousse Geld ass, fannt dir net?  E weidere Problem an der Bundesliga waren d’Deplacementer. Ofgesinn vum Käschtepunkt – et huet missen all Kéier e Bus gelount gin- ass och net evident fir all gude Week-end 500 Kilometer ze fueren fir e Match an der Bundesliga ze spillen. Do geet déi Brochure an dee Bal, deen si ee Mol am Joer organiséieren bei wäitem net duer fir finanziell matt ze halen.
An esou kënnt et datt d’Luxrollers haut an hirer Regionalliga ganz zefridde sinn. Matt der Tréierer Equipe besteet gudde Kontakt  a si sinn um regional Plang och gutt integréiert. Glécklech sinn d’Luxrollers och dat si aus der Nationaldivisioun vun der Lëtzebuerger Basket federatioun, matt däer si eigentlech näischt ze dinn hunn, konnten en Arbitter engagéieren, dee bereet war an Däitschland nach eng Kéier déi ganz Couren matt zemaachen fir och beim Behënnrtesport kënne ze päifen.
Dat eenzecht wat de Lux Rollers also felt – ausser e bësse méi finanziell Ënnerstëtzung – ass Nowuess. Dee Jéngste vun hinnen huet 32 Joer a Jugendlecher oder weiblech Wiesen gëtt et bei hinne keng, obwuel si ganz oppe wären fir si ze integréieren. Hire President, de Luciano huet gemengt et wär fir d’Elteren vu Jugendlecher och net emmer einfach, fir zwee bis dräi Mol an der Woch Taxi ze spillen, niewt allen aneren Belaaschtungen. Trotzdeem probéieren si weider sech bei de Jugendlechen bekannt ze maachen andeem si z. B. Demonstratiounsmatcher spillen oder regelmässeg a Schoule gin.
Schuet datt et keen Nowuess gëtt, well an enger Saach waren si sech all eens: Basket ass fir e Rollstullfuerer déi beschten Reéducatioun, déi et gëtt, et stäerkt net nëmmen d’Muskelkraaft an de Gläichgewiichtssënn, mä et hëlleft och neit Selbstvertrauen opzebauen a séngem Kierper eppes zouzemudden.  
Mir soen dem Luciano, dem Joël an dem Raymond fir all dës Informatiounen.

*****************************************************************************

*****************************************************************************

Le basket en fauteuil roulant existe dans le monde depuis 50 ans. Ce n'est qu'en 1946 que ce sport voit le jour en Angleterre et devient plus populaire dans les années 70 en Europe. Pratiquement identique à son pendant valide, le basket-ball en chaise
roulante constitue pour beaucoup, sportifs et public, une des disciplines les plus spectaculaire du sport pour personnes handicapées.

Basket-ball en chaise roulante : des équipes à points
Comme la plupart des sports pour personnes handicapées, le basket- ball ne déroge pas à la loi des classifications fonctionnelles. Les joueurs sont en effet classés selon leur handicap et se voient attribuer un certain nombre de points. Cette valeur vari- ant de 1 à 4.5, dépend de la quantité de mouve- ments, de l'équilibre et de l'aptitude à manoeu- vrer un fauteuil. Un paraplégique, sans con- trôle des muscles abdominaux et sans contrôle de la musculature du tronc se retrou- vera classé à 1 point. Un amputé par contre lui se verra attribuer 4points. Ce système de classification fonctionnelle vise à donner à chaque joueur la même possibilité de participer à un match. Une équipe ne pourra avoir plus de 14,5 points sur le terrain en même temps, voilà de quoi mettre chaque participant sur un pied d'égalité.